Gazetari Artan Hoxha, i ftuar sot në emisionin “Të paekspozuarit” në MCN. TV, ka folur rreth ngjarjes së rëndë që tronditi Shkodrën ditën e sotme. Bëhet fjalë për vrasjen e dy shtetasve shqiptarë, babë e bir të cilët u ekzekutuan pasditen e së enjtes. Shkaqet kryesore pse mund të ketë ndodhur vrasja e tyre, Artan Hoxha ka deklaruar të jetë kultivimi i kanabisit dhe operacionet e policisë për asgjësimin e kësaj lënde narkotike.
“Janë vrarë babë e bir. Mbrëmjen e djeshme, banesës së tyre në Bruçaj, i është vënë zjarri. Ata kanë shkuar për të parë dëmin dhe kanë rënë në pritë, i kanë ekzekutuar të dy. Gjok Gurra është edhe kryeplaku i fshatit Bruçaj dhe doli që ngjarja e djeshme ka qenë karremi. Autorët nuk e kanë të vështirë sepse është zonë e thellë. Duke qenë se është zonë ku Policia po kryen operacion të quajtur “alpet e pastra”. Oficerët e policisë që kanë dhënë informacion se aty ka kanabis, u është vendosur lëndë eksplozive. Në rastin konkret, në çdo moment kur bëhet monitorimi i territorit, dy janë personat përgjegjës, inspektori dhe kryeplaku. Dyshimet janë që të kemi një situatë të tillë.
