TIRANË– Gjykata e Posaçme e Apelit Kundër Korrupsionit dhe Krimit të Organizuar ka lënë në fuqi vendimin e shkallës së parë për masën e sigurisë “Arrest me burg” për Silvi Shehin, inxhinierin e kompanisë së Vladimir Topit që u arrestuan se korruptuan sekretaren e ministrisë së Shëndetësisë Joana Duron.
Kjo e fundit vijon të jetë ende në qeli. Ajo akuzohet nga Prokuroria e Posaçme Kundër Korrupsionit dhe Krimit të Organizuar për veprat penale “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Korrupsioni aktiv i funksionarëve të lartë shtetërorë ose të zgjedhurve vendorë”.
