SHKODËR– Detaje të reja janë zbardhur nga vrasja e babaë e Bir, Gjokë e Eduart Gurra në Dukagjin të Shkodrës. Mësohet se lidhur me ngjarjen Policia po heton në dy pista kryesore, E para, lidhet me dhënien e informacionit nga ana e Gjokë Gurrës për Policinë në aksionet për asgjësimin e kanabisit në zonën e Dukagjinit, një zonë problemeatike sa i përket këtij fenomeni.
Këto dyshime ngrihet pasi Gjokë Gurra para rreth 20 vitesh ka qenë efektiv policie por ka ruajtur kontaktet dhe marrëdhëniet me ish-kolegët. Raportohet se 57-vjeçari herë pas here ka informuar Policinë e Shkodrës lidhur me parcelat e kultivuara me kanabis sativa në Dukagjin.
E dyta, ka lidhje me konkurencën, pasi babë e bir prej 15 vitesh merreshin me tregtimin e lëndëve drusore si dhe kishin një lokal në Shkodër. Ndërkohë nuk përjashtohen edhe konflikte të tjera që Gjokë Gurra dhe djali i tij mund të kenë pasur me persona të ndryshëm.
Si ndodhi ngjarja
Babë e bir u zunë në pritë pasditën e djeshme në fshatin Bruçaj të njësisë Pult në Dukagjin. Ata ishin nisur për të shkuar në shtëpinë e vjetër, e cila ishte përfshirë nga flakët një natë ,më parë. Dyshohet se ky të ketë qenë dhe “karremi” që atentatorët kanë përdorur për ti dërguar babë e bir në vendin ku dhe do të ekzekutoheshin me breshëri kallashnikovi. Të dy ndërruan jetë në vend. Ndërkohë sipas informacioneve ata janë qëlluar brenda në makinën e tyre tip foristradë. Terreni i vështirë u ka dhënë mundësi autorëve që të largohen dhe të humbin gjurmët. Policia ka mbërritur këtë të prmete në vendin e ngjarjes ku dhe ka gjetur 8 gëzhoja. Hetimet vahzdojnë. Ende nuk ka asnjë autorë të dyshuar.
