TIRANË– Ambasadorja amerikane në Tiranë Yuri Kim u shpreh se Reforma në Drejtësi duhet të fillojë të japë frytet e saj.
E pranishme në konferencën e mbajtur nga KLP, mbi vlerësimin e punës së këtij institucioni Kim bëri apel për plotësimin e gjykatave me gjyqtarë të aftë dhe profesionistë të cilët duhet të japin drejtësi dhe jo hakmarrje. Ajo kërkoi nga institucionet përkatëse që brenda viit 2023 të jenë kompletuar vakancat në Gjykatën e Lartë.
Yuri Kim: Drejtësia nuk e ka pasur punën e lehtë dhe shpresojmë që ajo të arrijë rezultate të larta. Që ajo të sjellë drejtësi për shtetasit shqiptarë. Ju keni krijuar Këshillin për promovimin e pavarësisë së gjyqësorit dhe ne jemi në mbështetje jo vetëm KLP por të gjithë Reformës në Drejtësi. Reforma në drejtësi është e rëndësishme jo vetëm sepse është një kusht për integrimin në Bashkimin Evropian, por është një kërkesë e vetë popullit shqiptar. Shikoni sa shumë keni arritur, 4 vite më parë në Gjykatën e Lartë kishte vetëm 1 gjytarë, por sot janë një trup e plotë, mungojnë vetëm 3 të cilët besojmë se do të plotësohen së shpejti. Gjykata Kushtetuese është funksionale. Besoj gjithashtu se brenda 2023-shit edhe Gjykata e Lartë do të jetë plotësuar me të gjithë gjyqtarët. Duhet të ofrojmë drejtësi për njerëzit. E di që populli shqiptar ashtu sikurse SHBA pret me padurim plotësimin e gjykatave me gjyqtarë të aftë që mund të japin drejtësi dhe jo hakmarrje.
