Të tjera detaje kanë dalë lidhur me plagosjen që ndodhi pak minuta më parë në Allias. Rreth orës 20:15 në rrugën “5 Maji”, tre shtetas janë konfliktuar me njeri-tjetrin për motive të dobëta. Shtetasi A.D., ka plagosur dy të tjerët dhe është larguar menjëherë nga vendngjarja.
NJOFTIMI I POLICISË
Më datë 01.07.2023, rreth 20:15, në rrugën “5 Maji”, në afërsi të një shkolle private, shtetasi A. D., për motive të dobëta dyshohet se është konfliktuar me shtetasit E. Sh., 29 vjeç, dhe J. Ç., 26 vjeç, dhe më pas ka braktisur automjetin e tij dhe është larguar nga vendi i ngjarjes. Si pasojë janë dëmtuar lehtë me mjet prerës (xham) shtetasit E. Sh., dhe J. Ç., të cilët kanë kaluar për mjekim në spital dhe ndodhen jashtë rrezikut për jetën. Grupi hetimor po punon për kapjen e autorit të dyshuar dhe sqarimin e rrethanave të konfliktit.
