TIRANË- Ambasadorja e SHBA-së në Tiranë Yuri Kim është shprehur se SHBA do vazhdojë të investojë tek Reforma në Drejtësi, edhe pse sipas saj, “disa do kishin dashur të qëndronte e heshtur, ndonjëherë nuk iu pëlqen, e di, është e pakëndshme”.
Doplomatja amerikane u shpreh se është bërë përparim historik në fushën e mbrojtjes, gjë që sipas saj nuk është menduar ndonjëherë gjatë diktaturës së Enver Hoxhës.
Yuri Kim: Ka zhvillime strategjike që janë kaq pranë për tu bërë të vërteta në vendin tuaj, energjia transporti, siguria. Marrëdhënia me SHBA përgjatë demokracisë, mbrojtjes së biznesit, investimet amerikane në Shqipëri nuk kanë qenë kurrë më të larta, duhet të ketë më shumë ivestime tek biznesi, por duhet më shumë drejtësi. Biznesmenët, gratë e biznesit duhet ta dinë që kur blejnë prona këtu ajo copë letër ka vlerë, që kur të shkojnë në gjykatë, gjykatësi të vendosi në përputhje me ligjin dhe jo në përputhje me atë që ka paguar më shumë, apo kush ka bërë kërcënimin më frikësues. Kemi bërë përparim në fushën e mbrojtjes për herë të parë në histori kemi pasur këtu ushtarakë amerikanë. Do e kishit para menduar këtë në ’97?! Do e kishit menduar gjatë diktaturës së Enver Hoxhës, madje ai po rrotullohet në varr. Kjo është e ardhmja, dhe Shqipëria që është Evropë, kjo është ajo që duam ne si SHBA për ju, ndaj investojmë në reformën e drejtësisë, vazhdojmë të besojmë dhe të shtyjmë më përpara, e di që ndonjëherë nuk iu pëlqen, e di, është e pakëndshme ndonjëherë. Do kishit dashur që ndoshta ne të kishim qenë të heshtur, ne jemi miqtë tuaj, dua, që ju të jeni vendi më i mirë, të jeni partnerët tanë, të aftë, të fuqishëm, të pasur, një vend që vendet e tjera do ta shohin dhe do thoshin: Wow ia dolën mbanë pavarësisht sfidës së të qenurit një vend i vogël zgjodhën një shteg të vështirë, ecën në atë rrugë, patën një mik të mirë, disa miq të mirë dhe ia dolën mbanë. Por ky është çasti, është momenti ne kemi bërë progres së bashku por tani nuk është koha për tu çlodhur e për të pushuar.
Është koha për të thënë ne do të ecim përpara sepse e ardhmja jonë, brezi i ardhshëm i shqiptarëve, i amerikanë dhe evropianëve, vërtet i ka sytë tek ju, mbështet tek ju. Për këtë arsye le të përveshim mëngët së bashku, të riangazhohemi në çështjet e prapambetura, të rrisim ritmin, të vendosen gjyqtarët në pozicionet tyre, të sigurohemi që vendimit që merren se kush do jetë drejtuesi i x institucioni, prokurori këtu apo atje, kush do jetë gjyqtari këtu apo atje, se kush kalon vetting, si arrihet në këto vendimet.
Le të sigurohemi që vendimet të na çojnë drejt së ardhmes, që nuk do të na mbajnë në vend numëro, s’do na ngecin diku, s’do të na çojnë prapa, s’do na çojnë pas, është koha për të lëvizur përpara. KLSH, KSHP, Gjykata e Lartë, Gjykata Kushtetuese, çdo institucion, ato të vettingut e keni bërë punën tuaj, ta çojmë në një nivel tjetër. Të mendojmë se ku duam të shkojmë në 2023.
