TIRANË– Ish-prokurorja Antoneta Sevdari, e cila u shkarkua nga vettingu ka fituar procesin në Strasburg.
Strasburgu theksoi se ne lidhje me rastin e Sevdarit ka shkelje te nenit 8 dhe se shkarkimi nuk ka qene proporcional. Gjykata ka vendosur që shteti shqiptar ti paguajë dëmshpërblim në vlerën e 13 mijë eurove Sevdarit për dëm material, 6mijë euro për dëmin pasuror dhe 5 mijë euro për kostot dhe shpenzimet, para që duhet të paguhen brenda 3 muajve. Shuma totale që shteti shqiptar duhet ti kthejë ish-prokurores është 24 mijë euro.
Përballja e ish-prokurores në Vetting ëeshë një nga proceset që ka marrë një vëmendje të shtuar nga mediat pasi deri në momentin e shkarkimit, Sevdari cilësohej si një nga yjet në ngjitje në sistemin e drejtësisë. KPA vendosi ta shkarkonte pasi Komisioneri Publik kërkoi rihapje të hetimit. Ishte pasuria e të shoqit që solli edhe shkarkimin e saj, bashkë me denoncimin e një personi të njohur si Aleksandër Marku. Komisioni Publik ankimoi vendimin për pasurinë e bashkëshortit, ndërsa Sevdari e justifikoi me punën e tij jashtë vendi, më konkretisht në Arabinë Saudite. Sevdari u shpreh se natyra e të ardhurave të tilla, nuk parashtrohet në deklaratat e pasurisë pasi punëdhënësi i tij ka ndërruar jetë. Një tjetër çështje që solli shkarkimit ishte ankimimi i Komisionerit, pasi Sevdari akuzohej se ka pushuar çështjen për një ish-kryetar komune, i cili ka qenë i akuzuar për fshehje pasurie dhe deklarim të rremë.
