SARANDË– Dy gra njëra banuese në Sarandë e tjetra në Gjirokastër janë vënë këtë të dielë nën hetim nga Policia pasi shfrytëzonin fëmijët e mitur për të lypur. Sipas Policisë katër fëmijët e mitur ishin të moshave nga katër deri në nëntë vjeç.
NJOFTIMI I POLICISË:
Specialistët për Hetimin e Krimeve të Komisariatit të Policisë Sarandë referuan materiale në Prokurori ku nisi procedimi në gjendje të lirë për një 39 vjeçare, banuese në Gjirokastër dhe një 33 vjeçare, banuese në Sarandë, pasi janë konstatuar duke shfrytëzuar për të lypur, 4 fëmijët e tyre të mitur 4-9 vjeç.
