TIRANË– Vizita e ish-presidentit të Shteteve të Bashkuara të Amerikës Bill Clinton në Tiranë këtë të hënë do të shoqërohet me masa të rrepta sigurie të hartuara nga Policia dhe institucionet e inteligjencës.
Kështu plani i masave nis që me mbërritjen e Clintin në Rinas, shoqërimi me eskortë drejt Kryeministrisë takimet e deri tek largimi e tij një ditë pas. Policia bën me dije se do të ketë bllokime të disa segmenteve rrugore si edhe bllokime të pjesshme të disa segmenteve të tjera, në varësi të takimeve dhe aktiviteteve që do të zhvillohen gjatë këtyre dy ditëve, me 3 dhe 4 Korrik, në Tiranë.
Rrugët që do bllokohen:
- Drejtuesit e automjeteve të shfrytëzojnë rrugën dytësore nga Vora, për të qarkulluar në drejtim të aeroportit të Rinasit, pasi më datë 03.07.2023, nga ora 14:00 deri në orën 15:30, do të jetë të bllokuara rrugët:
- Nga Rinasi – Qafa e Kasharit – Mbikalimi tek Casa Italia – nënkalimi te ish-sheshi “Shqiponja”.
- Gjithashtu, këto rrugë do të jenë të bllokuara edhe më datë 04.07.2023, nga ora 13:30 deri në orën 15:30.
- Rrugë të tjera që do të bllokohen janë:
- Bulevardi “Dëshmorët e Kombit”, nga kryqëzimi i Ministrisë së Brendshme deri te sheshi “Nënë Tereza”, rruga “Ismail Qemali”, rruga “Papa Gjon Pali II”, rruga “Ibrahim Rugova” dhe rruga “Ukraina e Lirë”.
