TIRANË– Kreu i grupit parlamentar socialist Taulant Balla është ndalur sërish këtë të hëne në propozimet e bëra nga maxhoranca për verifikimin e figurës së politikanëve në lidhje me të shkuarën e tyre në komunizëm. Sipas tij ata vazhdojnë si zvarranikë të riciklohen dhe të arrijnë majat më të larta, por publiku duhet t’i njohë dhe s’mund të jenë më kryetarë partie, duke “shigjetuar” kreun e Partisë së Lirisë Ilir Meta.
Taulant Balla: Të vazhdojnë si zvarranikë të riciklohen dhe të arrijnë majat më të larta. Ka arritur të jetë Presidenti i Republikës, nëse vërtetohet të ketë qenë bashkëpunëtor i sigurimit të shtetit. Këta persona publiku t’i njohë, të paktën në Kuvendin e Shqipëri, apo kryetar të partive politike, të mos jenë. Tani s’mund të jenë më kryetarë partie, duhet të jetë një masë e përkohshme, ne ia kemi detyrim të gjitha atyre që kanë vuajtur në kurriz tmerret e atij sistemi.
