KRUJË– Detaje të reja janë zbardhur nga atentati i pasmesantës në Larushk ku dajë e nip, Ramazan Sino dhe Alvi Bejtja u ekzekutuan me armë zjarri në oborrin e shtëpisë. 47-vjeçari ndërroi jetë. Mësohet atentati ka ndodhir në banesën e Gentian Bejtjes.
Viktima është kunati i Bejtjas ndërsa i plagosur mbeti i biri, 18 vjeç, i cili ndodhet në spital nën kujdesin e mjekëve. Ndërsa rreth 25 minuta pas krimit është gjetur i djegur një automjet në lapidar të Tapizës.
Kush është Gentian Bejtja dhe e shkuara e tij kriminale
Gentjan Bejtja nuk është në emër i panjohur pë Policinë dhe drejtësinë si dhe ia ka dalë ti shpëtojë disa atentateve kundër tij. Bejtja u qëllua me armë zjarri së bashku me Klodian Stafukën mbrëmjen e 9 Janarit 2022. Ata zëu qëlluan teksa lëviznin me makinë pranë shkollës së fshatit Larushk në zonën e Fushë Krujës, ndërsa Bejtja mbeti i plagosur në krah.
Në shtator të vitit 2016, ndaj tij është organizuar një atentat me tritol. Bejtja po udhëtonte me makinën e tij tip “Tuareg”, me targë “AA 020 BH”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë. Gjithashtu, Bejtja ishte personi që së bashku me Enver Stafukën vodhën makinën e përdorur në vrasjen e kryekomisar Dritan Lamajt në vitin 2013.
