TIRANË– Një 45-vjeçar i identifikuar me inicialet M.D është gjetur i mbytiur këtë të martë në liqenin e Farkës në Tiranë. Përmes një njoftimi për mediat blutë e kryeqytetit bëjnë me dije se në trupin e viktimës nuk janë konstatuar shenja dhune. 45-vjeçari ishte shpallur i zhdukur nga familjarët.
NJOFTIMI I POLICISË:
Më datë 04.07.2023, në Liqenin e Farkës, është gjetur dyshohet i vetëmbytur shtetasi M. D., 45 vjeç. Nga kqyrja paraprake nuk janë konstatuar shenja dhune. Ky shtetas është shpallur në kërkim nga Komisariati i Policisë Nr. 1, pas kallëzimit të bërë nga familjarët për largim nga banesa. Grupi hetimor po punon për zbardhjen e rrethanave të ngjarjes.
