DIBËR– Katër persona janë vënë në hetim nga Policia e Dibrës këtë të mërkurë pasi akuzohen për ndërtim të paligjshëm dhe prerje të paligjshme të drurëve. Përmes një njoftimi për mediat blutë e Dibrës bëjnë me dije se A.C., 36 vjeç, banues në Zall-Bastar dhe P.Gj., 32 vjeç, banues në Bulqizë, u kapën teksa transportonin me automjetet e tyre, dru për zjarr, të cilët ishin prerë në kundërshtim me ligjin. Sasia e druve dhe automjetet u sekuestruan në cilësinë e provës materiale. Ndërkohë V.I., 65 vjeç dhe B.T., 64 vjeç, banues në Dibër, pasi u konstatuan duke kryer punime për ndërtimin e dy objekteve, pa u pajisur me lejen e organeve përkatëse. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
NJOFTIMI I POLICISË:
Drejtoria Vendore e Policisë Dibër, prioritet parandalimin dhe goditjen e krimeve kundër mjedisit. Si rezultat i punës në terren, konstatohen dhe goditen 2 raste të prerjes së kundërligjshme të pyjeve dhe 2 raste të ndërtimit pa leje. Procedohen penalisht 4 shtetas. Në zbatim të detyrave të lëna nga Drejtori i Përgjithshëm i Policisë së Shtetit, për vigjilencë të shtuar dhe për angazhim në terren, me fokus parandalimin dhe goditjen e krimeve ndaj mjedisit, shërbimet e Drejtorisë Vendore të Policisë Dibër dhe të komisariateve në varësi, kanë intensifikuar kontrollet dhe si rezultat kanë evidentuar dhe goditur 4 raste të tyre. Për këto raste u referuan materialet në Prokurori ku nisi procedimi në gjendje të lirë për shtetasit: A.C., 36 vjeç, banues në Zall-Bastar; P.Gj., 32 vjeç, banues në Bulqizë, pasi u kapën teksa transportonin me automjetet e tyre, dru për zjarr, të cilët ishin prerë në kundërshtim me ligjin. Sasia e druve dhe automjetet u sekuestruan në cilësinë e provës materiale. Gjithashtu nisi procedimi penal për shtetasit V.I., 65 vjeç; B.T., 64 vjeç, banues në Dibër, pasi u konstatuan duke kryer punime për ndërtimin e dy objekteve, pa u pajisur me lejen e organeve përkatëse. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme. Drejtoria Vendore e Policisë Dibër, apelon për të gjithë qytetarët që të mos implikohen në veprimtari të kundërligjshme në dëm të mjedisit, pasi kontrollet vijojnë në mënyrë të pandërprerë, dhe çdo tentativë do të konstatohet dhe do të goditet me forcën e ligjit.
