ITALI– Ditët në vijim priten të jenë tejet të vështira për Italinë pasi temperaturat priten që të arrijnë deri në 47 gradë celsius. Sinoptikanët kanë parashikuar një valë të re të nxehtit e cila pritet të godasë Italinë nga e premtja, 7 korrik 2023.
Temperaturat më të larta do të regjistrohen në Siçili dhe në Milano por dhe në Sardenjë. Kjo valë e re e të nxehtit, e dyta këtë verë parashikohet të zgjasë deri në mes të korrikut. Por mund të themi se ka dhe një “lajm të mirë” pasi pas kësaj vale të nxehti disa zona të Italisë do të përfshihen nga reshje shiu dhe ulje të lehta të temperaturave.
