GREQI– Dy shqiptarë kanë rënë në prangat e Policisë greke pasi akuzohen për trafik droge. Arrestrimi i tyre u bë i mundur falë dy operacioneve të organizuara nga Policia greke. Nga ky operacion u sekuestrua dhe 82.5 kg marijuanë, 2 celularë dhe një peshore elektronike në cilësinë e provës materiale.
Pas kontrollit në banesën e një prej të arrestuarëve u gjetën dhe sekuestruan 5 pako që përmbanin 28 kg 110 gram marijuanë, 1 peshore dhe 1 telefon celular. Ndërkohë që gjatë kontrollit në një banesë të dytë të tij në Nikea i’u gjeten dhe sekuestruan 10 gram marijuanë.
Prej fillimit të shtatorit në Greqi janë kapur rreth 845 kg marijuanë që dyshohet se vinin nga Shqipëria dhe janë arrestuar disa shtetas shqiptarë. Ndërsa 6 muajt e fundit në Greqi janë kapur rreth 1.5 ton marijuanë që dyshohet se vinte nga Shqipëria.
