KOSOVË-Beqir Sefa, Rifat Zeka e Mustafë Shemi, janë emrat e tre policëve që u rrëmbyen nga forcat serbe. Ditën e sotme presidentja e Kosovës, Vjosa Osmani ka bërë një takim me tre policët, duke I falenderuar ata dhe të gjithë policët e tjerë për angazhimin e vazhdueshëm të tyre.
“Policia e Kosovës është institucioni kyç për integritetin territorial dhe sovranitetin e vendit. Institucionet dhe qytetarët e Kosovës e njohim përkushtimin dhe sakrificën tuaj, por edhe të të gjitha grave dhe burrave në uniformë policore, të cilët e mbrojnë Republikën në çdo cep”, ka theksuar më tej Osmani.
Të tre policët kanë falenderuar Presidenten Osmani për pritjen që ajo bëri për ta.
