TIRANË– Sot më 6 korrik në mbarë botën festohet “Dita Botërore e Puthjes”. Praktika filloi në Mbretërinë e Bashkuar dhe u miratua në mbarë botën në fillim të viteve 2000. Puthja cilësohet si manifestimi i parë dhe më elementar i dashurisë mes dy personave. Ajo konsiderohet si çelësi që hap dyert e afeksionit dhe pasionit të zjarrtë.
Aktualisht ekspertët e filematologisë, shkencës që merret me studimin e puthjes, këmbëngulin se kjo lidhet me nevojën për të kërkuar partner me sistem imunitar të ndryshëm nga yni. Puthja lejon të digjen 12 kalori, ndërsa 66% e njerëzve i mbajnë sytë mbyllur kur puthen. Në të njëjtën kohë fal puthjes stimulohen shumë muskuj, më saktë 29 muskuj të fytyrës, duke u bërë një stërvitje e shëndetshme për organizmin.
