TIRANË– “Masë shumë ekstreme” e ka cilësuar deputetja e Partisë Demokratike Flutura Açka projektligjin e qeverisë studentët e Mjekësisë, të cilët detyrohen të qëndrojnë 5 vite në Shqipëri pas shkollës ose nuk marrin diplomën. Sipas Açkës ky projektligj nuk është konsultuar me grupet e interesit.
Flutura Açka: Duhen marrë masa që djemtë tanë mos të na ikin por ne duhet ta bëjmë atdheun tonë të dëshirueshëm kjo është një masë shumë ekstreme dhe nxitimi juaj është shumë i pavend. Është një masë drastike. Nuk është konsultuar me grupet e interesit. Nuk ka pse të vijë në parlament me kaq nxitim. Gjëja e parë që ndodh është shkelja e të drejtave të njeriut dhe është e papranueshme që në të vendosim me dhunë pa krijuar mundësinë që pse i marrim këto masa. Jam për të marra masa që fëmijët mos të na ikin por jo me këtë forma absurde. E shoh pavend që ta kaloni me kaq nxitim këtë masë drastike ekstreme.
