TIRANË– Kreu i grupit të Partisë Socialiste Taulant Balla njoftoi se grupi i PS do të votojë pro projektligjit tq qeverisë që u ndalon studentëve të mjekësisë të largohen nga vendi pa mbushur 5 vite punë në shërbimin shëndetësor shqiptar. Sipas Ballës kjo bëhet në interes piublik ndërsa akuzoi opozitën sei sheh njerëzit si vota.
Taulant Balla: Janë 1200 mjekë dhe mjeke që kanë përfunduar studimet në Shqipëri dhe nuk ia ofrojnë shërbimin qytetarëve shqiptarë. Është investim publik i Shqipërisë së përbashkët. Duam mjekë dhe mjeke në çdo cep të territorit. Ky është interesi, për këtë na kanë sjellë këtu. Ju i shihni njerëzit si vota, sa herë del një pakënaqësi, jeni të gatshëm që të merrni krahun e kundërt. Shkoni dhe pyesni ata që iu kanë sjellë në këtë sallë. Do të zgjedhin interesin e disa personave që kanë zgjedhur këtë profesion të respektuar, apo…? Na duhet që të rrisim numrin e mjekëve në vend. Na duhet të jemi 2.6 mjekë për 1000 banorë. Në emër të grupit parlamentar të PS, e përshëndes vendimin e qeverisë. Studentët që kanë fituar të drejtën për të studiuar bëjnë një marrëveshje. E dyta, studentët aktualë do nënshkruajnë marrëveshje. Kolegët tuaj shkonin me kobure në brez për të protestuar për këndin e lojrave. Heroi juaj Klevis Balliu protestonte tek Astiri. Mos harroni që jeni në këtë sallë për interesin e shqiptarëve.
