TIRANË– Shoferët e dehur dhe ata nën efektin e lëndëve narkotike vijojnë të jenë një problem serioz në rrugët e kryeqytetit. Përmes një njoftimi për mediat ku ka bërë dhe bilancin e një jave Policia bën me dije se 22 shoferë janë vënë në pranga nën efektin e substancave narkotike dhe të dehur. Ndërsa sipas bluve të kryeqytetit 3332 drejtues mjetesh janë gjobitur për shkelje të ndryshme të rregullave të qarkullimit rrugor.
NJOFTIMI I POLICISË:
Policia Rrugore e Tiranës. Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore, me qëllim rritjen e parametrave të sigurisë rrugore, në kryeqytet. Gjatë javës që lamë pas janë arrestuar 22 shtetas, për drejtim automjeti në gjendje të dehur apo në efektin e lëndëve narkotike dhe për shkelje të rregullave të tjera të qarkullimit rrugor.
Gjithashtu, gjatë javës që lamë pas janë vendosur:
- 261 masa administrative për shpejtësi mbi normat e lejuara;
- 586 masa administrative për përdorim të aparatit celular gjatë drejtimit të mjetit;
- 55 masa administrative për xhama të errësuar;
- 352 masa administrative për mosdhënie përparësi këmbësorëve, në vijat e bardha;
- 1487 masa administrative për mosvënie të rripit të sigurimit, nga drejtuesit e automjeteve;
- 367 masa administrative për mosvendosje të kaskës mbrojtëse, nga drejtuesit e motomjeteve;
- 224 masa administrative për parakalime të gabuara.
