TIRANË– ‘Furtunë’ shkarkimesh në Policinë e Shtetit. Tonin Vocaj emërohet në postin e Drejtorit të policisë së Tiranës, ndërsa ish- drejtori Panganika transferohet në akademinë e policisë. Ndërkohë zëvendës drejtori i Përgjithshëm emërohet Sokol Bizhga.
Në krye të Forcës Lëvizëse Operacionale, Rrumbullaku ka vendosur të çojë Hamdi Fjorën, aktualisht drejtor i Policisë së Shkodrës. Ervin Hodaj, që më herët ka mbajtur postin e Drejtorit të Policisë së Tiranës, do të emërohet në Shkodër. Gjithashtu Lutfi Minxhozi është emëruar drejtor për Marëdhëniet Ndërkombëtare, ndërsa Gent Ndoj emërohet drejtor i Krimit Ekonomik në Drejtorinë e Përgjithshme.
Ermal Muça, aktualisht zëvendësdrejtor i Policisë së Korçës do të zëvendësojë Gentian Berberin në Drejtorinë e Vlorës. Niko Brahimaj, i cili më herët ka qenë pjesë e Policisë Shkencore, është emëruar në Fier. Ndërsa Ermal Muça do të largohet nga Korça, ku ka mbajtur postin e zëvendësdrejtorit të Policisë së Korçës, për të kaluar në Vlorë.
