Pas vizitës që Edi Rama zhvilloi ditën e sotme me presidenten e Kosovës, Vjosa Osmani, Albin Kurti nuk ka dashur të takohet me Kryeministrin shqiptar, pasi dhe ky i fundit e anuloi një takim mes dy qeverive që duhej të bëhej disa javë më parë.
Analisti Genc Burimi ka folur në lidhje me këtë refuzim ku ka fajësuar Ramën duke thënë se ai është një egoist, të cilit duhet ti bëhet mësim ky refuzim.
“Rama ka filluar një show të ri, që nuk flet më për Shqipërinë. Ka javë të tëra që kërkon të përfshihet në fushën ndërkombëtare. Po bën një devijim të vëmendjes nga temat e brendshme. Kërkon të zgjedhë konfliktet globale, iu fut në lojë Kosovës, pa e ftuar njeri në lidhje me tensionet me Serbinë. Rama sot foli për Kanunin. Kur nuk të fton njeri, pse duhet të shkosh. Rama e trashi që me Haradinaj, ku u bashkia me Macron dhe Merkel për tu tallur me atë. Pas Haradinja gjeti si kokë turku Kurtin. Mos ia fut vëllait, për tu bërë me armikun e vëllait, sipas kanunit kjo. Rama është një egoist që mendon për imazhin e tij dhe Kosova është një lojë për të që të bëhet një rol faktori në Rajon. Po i jep vetes një lloj roli që nuk ia ka kërkuar njeri.Pse Rama i dëgjon perëndimorët kur i thënë se Kurti po gabohet, dhe pse nuk e dëgjoi Gjermaninë që tha se Open Balkan është një pistë e gabuar? Përballë tij ka Kurtin, që ka atdhedashuri dhe për Shqipërinë. Kurti e kishte të vështirë të besonte se Rama do shkonte kaq thellë në tradhti. Rama vendosi të jetë aleat me Serbinë, shkoi edhe më lartë në tradhti. Ditën që u rrëmbyen tre policët kosovarë, Rama nuk e denoncoi menjëherë. Kur kishte këtë ndjesi Kanuni, pse nuk reagoi? Kurti i flet Ramës si institucion, pasi nuk ka dëshirë të takojë Ramën, pasi ky i fundit i çon marrëdhëniet personal, si përqafimi ndaj Melonit. Parësore për vendin tonë është heqja e traut që na ndan. Është Rama që ka shkelur Kanunin.Jemi vëllezër, por Rama e meriton, pasi është tallur. Ishte Rama që këtë miqësi e shkatërroi i pari, e jo Kurti. Imagjinoni që Kurti të bëjë një draf për Himarën dhe Belerin. Është i njëjti rast. Ftoi Clinton dhe jo Kosovën, bëhet kjo gjë? Ky nuk është Kanun i shkelur. Ramës t’i bëhet mësim, pasi nuk luhet kështu me njerëzit. Ishte Rama që krijoi një deviacion”, tha Burimi.
