AZERBAJXHAN– Presideni Bajram Bergaj ka nisur këtë të premte vizitën e tij zyrtare në Azerbajxhan Ilham Aliyev. Pas takimit “kokë më kokë” dy krerët e shtetit kanë dalë në një konferencë të përbashkët për mediat. Presidenti Begaj gjatë fjalës së tij duke u ndalur tek marrëdhëniet mes vendeve tha se ato janë më të forta se më parë. Begaj tha se investimet energjetike janë rritur.
Bajram Begaj: Këtë vit shënohen 30 vjet nga marrëdhënia diplomatike e vendeve tona. Kemi mjaft arsye për të qenë krenar, të cilat janë më mirë se kurrë më parë. Vjet Aliyev vizitoi Tiranën dhe më vjen mirë që impakti i asaj vizitë impaktoi menjëherë. Kemi plot arsye për hapat e mëtejshme, dialog të suksesshëm. Risolla në vëmendjen e tij disa nga hapat e suksesshme për afrimin mes dy vendeve. Shqipëria hd Azerbajxhani janë të lidhura ngushtësisht në kuadrin energjetik. Përftimet e Shqipërisë nga TAP kanë qenë të shumta. Gazsjellësi adriatiko-jonian do të kontribuoje edhe më tej në rajon. Shqipëria është vend transit i gazit dhe ky është realitet tashmë.
Nga ana e tij preside nti i Azerbajxhanit Ilham Aliyev tha se në fokus të bisedimeve të sotme me Begajn kanë qenë marrëdhëniet politike mes dy vendeve, veprimtaria e përbashkët në organizatat ndërkombëtare, si dhe investimet në fushën e ekonomisë dhe tregtisë. Po ashtu ai shtoi se investitorët e Azerbajxhanit janë të gatshëm të konsiderojnë në mënyrë serioze investimet në Shqipëri në turizëm, bujqësi, apo edhe fusha të tjera, theksoi udhëheqësi azer.
Ilham Aliyev: Do të kemi një studimi vizibiliteti e pastaj do të vijojmë investimin në Shqipëri për të ndërtuar një rrjet të shpërndarjes së gazit. Kemi diskutuar sesi mund të zhvillojmë infrastrukturën tonë nga Shqipëria në vendet tona fqinje. Jam i kënaqur që kemi ambasadën tonë në Tiranë. Kemi një vullnet të fortë politik për të vazhduar këtë lidhje dhe të gjitha këtë marrëveshje janë duke u zbatuar. Kemi rënë dakord të kemi takime të rregullta.
