SARAJEVË– Kryeministri Edi Rama ka deklaruar se qeveria po përgatit hapjen e ambasadës shqiptare në Sarajevë. Deklaratën kreu i qeverisë e bëri gjatë konferencës së përbashkët me kryetaren e Këshillit të Ministrave të Bosjes dhe Hercegovinës Borjana Kristo. Takimi mes tyre vjen në kuadër të turit ballkanik që ka ndërmarrë Rama në rajon. Po ashtu ai kërkoi që marrëveshjet e Procesit të Berlinit të nënshkruhen. Sipas kryeminsitrit duhet të mundësohet lëvizja e lirë vetëm me kartë ID e qytetarëve të Kosvës.
Edi Rama: Në radhë të parë e urova kryeministren për konseusin për ndalimin e duhanit në këtë godinë. Dhe, uroj që ky të jetë një shembull sesi të gjithë vendimet dhe proces kaq të rëndësishme për mirëqenien e përbashkët duhet të bëhen dhe zbatohen. Dëshirojmë t;i forcojmë marrëdhëniet me Bosnjë -Hercegovinën dhe e informova se do të hapim ambasadën shqiptare këtu. Këtu jeton një komunitet shqiptar dhe mua më vjen mirë që edhe ata boshnjak në vendin tonë i ka të garantuara të gjitha të drejtat në ligjin e minoriteteve të Republikës së Shqipërisë. Ne jemi shumë të interesuar që marrëveshjet e Procesit të Berlinit dhe lëvizja e lirë të mundësohet për qytetarët shqiptarë të Republikës së Kosovës sepse politika duhet t’u shërbejë qytetarëve pa dallim. Dhe, dëshiroj të besoj që ashtu sikundër vetë Serbia i ka firmosur ato marrëveshje edhe Bosnja Hercegovina do ta bëjë këtë gjë. Nga ana tjetër erdha këtu për ta informauar atë cka ne duam të bëjmë në samitin e Procesit të Berlinit të tetorit në Tiranë.
