Pas refuzimit që Albin Kurti i bëri Edi Ramës, gjatë kohës që ky i fundit shkoi në Kosovë dhe zhvilloi një takim me Presidenten Vjosa Osmani, u diskutua dhe ditën e sotme gjatë konferencës për shtyp që u mbajt në Malin e Zi.
Pavarsisht refuzimit që Rama mori, ai përsëri e ka ftuar Albin Kurtin në Tiranë, me dëshirën më të madhe nëse dhe nga ana e Albin Kurtit është e njëjta por në asnjë moment të vetëm ta “kidnapoj” atë.
“Unë mendoj që kjo bota ku jam unë është më e madhe se bota ku është Albini, ai është shkëputur nga bota me aleatë dhe është në një botë më të mbyllur. Unë respektoj. Unë kam për detyrë ta ftoj jo ta sjell, larg qoftë ta kidnapoj unë e të futem në listën e atyre që janë kriminelë për hir të Serbisë. Ai është i ftuar si gjithë të tjerët, unë e kam bërë të qartë se takim kryeministrash pa kryeministrin e Kosovës nuk ka por nuk përjashtohet që mos të vijë, por shpresoj të vijë. Mos thoni pastaj se ti the që s’do të vijë dhe ai nuk erdhi,” tha Rama.
