Gjatë bisedës së zhvilluar mes Edi Ramës dhe Aleksandër Vucic në Serbi është folur dhe rreth situatës në veri të Kosovës, nga ku Vucic është shprehur se nuk ka pasur kurrë probleme të flaës me të, dhe se është përpjekur të flas me të gjithë.
“I urova mirëseardhjen Ramës, pas dekadash heshtje ne të dy filluam të ndryshonim trashëgiminë e keqe dhe treguam se vendet tona mund të ecin përpara shumë më shpejt dhe të bashkëpunojnë. Shkëmbimi mes vendeve tona është rritur ndjeshëm dhe kjo përkon me Ballkanin e Hapur dhe marrëdhëniet më të mira politike. E mirëpresim angazhimin e Shqipërisë në Kongresin e Berlinit. E dimë që kryeministri Rama do të investojë energji të jashtëzakonshme për të arritur rezultate të rëndësishme. Gjatë darkës do të vazhdojmë të flasim, besoj se do të kemi edhe disa orë për të folur. Ne nisëm nismën e Ballkanit të Hapur gjë që solli përfitime për secilin prej nesh, në radhë të parë qytetarët tanë. Kjo nismë mund të kontribuojë në bashkimin e mëtejshëm të njerëzve dhe për një standard më të mirë jetese për të gjithë qytetarët tanë. Do të kemi takime të përbashkëta edhe në periudhën e ardhshme,” tha Vuçiç.
