TIRANË– Kryeministri Edi Rama ka zbardhur bisedën që ka pasur me homologun e tij britanik Rishi Sunak. Në një deklaratë për mediat pas mbledhjes në selinë rozë me drejtuesit e qarqeve. Rama tha se Sunak i ka thënë se vendi i tij do të ofrojë mbështetje për Shqipërinë në arenën ndërkombëtare. Ai shtoi se në bisedë është folur edhe për një takim mes dy liderëve.
Kreu i qeverisë bëri me dije se ka kërkuar nga homologu britanik që qytetarët shqiptarë që mbërrijnë në Britaninë e Madhe në mënyrë ilegale të trajtohen njësoj me të tjerët. Sa i përket elementëve problematikë Rama tha se asnjë nuk përfaqëson komunitetin, flamurin kombëtar dhe shtetin. Rama tha se ata janë jashtëqitja e një kombi dhe kërkoi që të merren masa për ta.
Edi Rama: Kam pasur një bisedë goxha me kryeministrin e fundit, ka marrë përsipër që jo vetëm të thotë ‘bukur., bukur’, por edhe ta shtyjë përpara. Kemi rënë në një dakortësi se nuk ka ndonjë marrëveshje, marrëveshjet janë aty, thjesht janë theksuar. Kryeministri më ka shprehur keqardhjen për atë që ka ndodhur, nënkupoto fatkeqësisht komuniteti shqiptar është vendosur në një dritë të gabuar, më ka shprehur bashkëpunim në arenën kombëtare. Më ka shprehur po ashtu edhe dëshirën që të takohemi shpejt dhe pastaj jemi ndalur tek kjo pjesë. Unë kam përsëritur të njëjtin princip, nuk ka nevojë pse t’i ndani shqiptarët nga të tjerët, elementët problematikë nuk përfaqësojnë komunitetin, as shtetit dhe as kombin e flamurin tonë, janë jashtëqitjet e një kombi. Duhen marrë masa për të.
