TIRANË– “Nuk kam fjale per ta shprehur sikletin karshi te gjithe atyre qe me kane besuar gjithe keto vite.”, kështu e nis deklaratën e tij të dorëheqjes deputeti socialist Rrahman Rraja pas ngjarjes së rëndë ku i biri, vëllai dhe familjarë të tij dhunuan barbarisht kushërinjtë Bilbil dhe Jashar Maja. Shkak për konfliktin është bërë një gurore në pronësi të Rrajave në Borizanë që sipas të lënduarve u ka dëmtuar banesat.
Në letrën e tij drejtuar qytetarëve të Krujës që siç shprehet Rraja i kanë besuar për dy legjislatura mandatin e deputetit dhe kryekomunarit dikur Rrahamn Rraja shkruan se ndihet i turpëruar nga i biri dhe i bën thirrje të dorëzohet.
Rrahmnan Rraja: Nuk kam fjale per ta shprehur sikletin karshi te gjithe atyre qe me kane besuar gjithe keto vite. Fatkeqesisht une deshtova si prind dhe ndjehem i turperuar publikisht nga femija im. Ju kerkoj ndjese shokeve dhe kolegeve te grupit parlamentar dhe deklaroj dorezimin e mandatit te deputetit dhe terheqjen time nga jeta politike. Ju kerkoj ndjese atyre qe me kane dhene voten prej vitit 2000 si kryetar komune dhe prej 2 mandatesh si deputet.
Deputeti socialist kishte një mesazh ndjese dhe për të dhunuarit Bilbil e Jashar Maja.
Rrahman Rraja: Ju kerkoj ndjese atyre qe me kane dhene voten prej vitit 2000 si kryetar komune dhe prej 2 mandatesh si deputet. Ju kerkoj ndjese viktimave te asaj dhune turperuese për familjen time. I bej thirrje djalit tim te dorezohet para drejtesise. Zoti me dhente force qe ta perballoj kete dhimbje te madhe dhe jete qe ta shlyej kete turp qe me la mbi shpatulla si gur im bir.
Një ndjesë Rraja e kishte dhe për kryesocialistin Edi Rama, që i ka dhënë besimin për të qenë deputet i kësaj force në Kuvend. Sipas tij Rama nuk i kishte asnjë borxh për këtë turp të madh.
Rrahaman Rraja: Ne fund mirenjohje dhe ndjese edhe kryetarit te partise dhe kryeministrit, i cili nuk me kishte asnje borxh per kete shqetesim kaq te madh publik qe i shkaktova.
Reagimi i plotë:
Nuk kam fjale per ta shprehur sikletin karshi te gjithe atyre qe me kane besuar gjithe keto vite. Fatkeqesisht une deshtova si prind dhe ndjehem i turperuar publikisht nga femija im. Ju kerkoj ndjese shokeve dhe kolegeve te grupit parlamentar dhe deklaroj dorezimin e mandatit te deputetit dhe terheqjen time nga jeta politike. Ju kerkoj ndjese atyre qe me kane dhene voten prej vitit 2000 si kryetar komune dhe prej 2 mandatesh si deputet. Ju kerkoj ndjese viktimave te asaj dhune turperuese për familjen time. I bej thirrje djalit tim te dorezohet para drejtesise. Zoti me dhente force qe ta perballoj kete dhimbje te madhe dhe jete qe ta shlyej kete turp qe me la mbi shpatulla si gur im bir. Ne fund mirenjohje dhe ndjese edhe kryetarit te partise dhe kryeministrit, i cili nuk me kishte asnje borxh per kete shqetesim kaq te madh publik qe i shkaktova.
Ngjarja e rëndë ku u përfshinë djali i deputetit socialist Rrahman Rraja, Rexhep Rraja, xhaxhai i tij dhe familjarë të tjerë u regjistrua dy ditë më parë në një lokal në aksin Fushë Krujë-Thumanë. Më shumë se 10 anëtarë të fisit Rraja (tashmë disa në pranga e disa në kërkoim) dhunuan në mënyrë barbare dy kushërinjtë Bilbil dhe Jashar Maja. Këta të fundit u goditën me shkopinj gome e bejsbolli pa mëshirë nga Rrajat. Pamjet bënë xhiron e rrjetit dhe shkaktuan irritimin e qytetarëve. Shkak për sherrin është bërë një gurore në pronësi të Rrajave në Borizanë. Të plagosurit shprehen se ajo gurore u ka shkatërruar shtëpitë., Ndërsa gjatë ditës së sotme ata u shprehen se nëse shteti nuk bën drejtësia atëherë ata do të jenë të detyruar të bëjnë vetëgjyqësi.
Kjo nuk është ngjarja e vetme qe familjarë të Rrahman Rrajës përfshihen në ngjarje kriminale. Kujtojmë se djali i tij Rexhep Rraja u akuzua në vitin 2018 nga Xhiziela Malako për përndjekje dhe dhunë. Akuzat e çuan Rrajaën në pranga por jo në burg për shumë kohë pasi u lirua. Ndërsa nipi I deputetit socialist Redja Rraja ndodhet në burg pasi akuzohet nga SPAK si i përfshirë në atentatin e ish-prokurorit Arjan Ndoja.Dhe nipi tjetër Ramazan Rraja ndodhet po ashtu pas hekurave.Newszone
