TIRANË– Këngëtarja e re Eugena Aliu, ishte e ftuara e Valbona Mhillit në emisionin “Stay Tuned” në MCN tv. Teksa sapo ka dal projekti më i ri muzikor “Hallall” bashkëpunim me Olsi Bykykun, këngëtarja Aliu, tha se projekti ka ardhur spontanisht dhe është realizuar për 10 minuta.
“Në fakt bashkëpunimi me Olsin ka ardhur spontanisht. Olsi ka qenë ai që ma ka propozuar projektin. Është realizuar brenda 10 minutash, është hedhur vokali, janë bërë ndryshime të vogla në tekst që ti përshtatej më mirë refrenit, dhe çdo gjë ka ardhur shumë natyrshëm dhe mbase gjerat kur vijnë natyrshëm dhe rrjedhin, edhe përçohen te publiku pa stres. Pasi zakonisht këngët të marrin shumë kohë, të shpenzojnë energji, kjo kënga erdhi shumë rrjedhshëm, erdhi shumë natyrshëm dhe ashtu u përçua edhe të publiku”.
Këngëtarja Aliu, pohoi se kënga është krijim personal dhe shpirtëror i Olsi Bylykut.
“Nuk e dija që kjo ishte një këngë personale, më vonë u updatova me lajmin se po, kjo ishte një këngë shpirtërore e Olsit, natyrisht e kam marrë si vlerësim, se jo shpesh ndodh që artistët të kenë diçka personale të veten. Por duke qenë se kjo ishte shumë personale, shumë shpirtërore, shumë e vetja, dhe ma besoi mua dhe sigurisht që ishte përgjegjësi”.
