Nga Edon KUQI
Kryeministri Edi Rama ka propozuar këtë të shtunë në detyrën e ministrit të Brendshëm Taulant Ballën, kreun e grupit socialist dhe një nga besnikët e tij të hershëm në opozitë e qeveri si zëdhënës i tij atëherë kur Rama nuk donte dhe nuk duhej të fliste. Me shkarkimin e Bledi Çuçit nga posti që tashmë pritet të marrë Taulant Balla, Edi Rama më në fund shpërbleu Ballën me postin që sa herë ”rifreskohej” qeveria flitej se do ta merrte por kurrë nuk i erdhi fati.
Me sa duket ngjarjet e fundit kriminale që kulmuan me dhunën barbare të fisit Rraja ndaj dy personave i “hëngrën” kokën Bledi Çuçit adhe i “ofruan” në “pjatë” argjendi karrigen e lakmuar Taulant Ballës që për hir të së vërtetës politikisht mbase e meritonte kohë më parë, më parë se Çuçi apo Sandër Lleshaj.
Këtë të shtunë pas klthimit nga turi ballkanik që nuk solli asgjë konkrete Rama vendosi që të bëjë kurban Bledi Çuçin në një kohë që skandalet e maxhorancës nuk kanë të sosur si për tu ofruar shqiptarëve dhe medias një “thelë mishi” për tu marrë para pushimeve ku ai dhe kabineti qeveritaredo të “zhduken” ca ditë.
Kush ia “hëngri” kokën Çuçit?!
Ngjarjet e fundit kriminale që tronditën vendit sidomos javën e fundit me sa duket kanë bërë që epoka e Bledi Çuçit në Ministrinë e Brendshme të mbarojë me “faqe të zezë” në sytë e Ramës që i erdhi si “cjapi te kasapi” largimi i Çuçit e që me emërimin e Ballës do ketë zëra që mbase do të mbulojnë katrahurën e Rrajave apo atentatet që ia rinisën sërish në Nikël. Po sot, i veshur sportiv Bledi Çuçi qëndroi më shumë se pesë orë në zyrën e kryepolicit Rrumbullaku, me sa duket ky lajm nuk ishte surprizë për Çuçin, i cili shkoi të japë poroisitë e fundit tek Rrumbullaku. Biseda mes tyre mbetet sekret.
Me emërimin e Taulant Ballës, Rama po bën dhe një lëvizje tjetër. Kur gjendet nën presionin e socialistëve të vjetër se kabineti i qeverisë është i mbushur me rilindas po u jep këtë emërim si për të iu treguar se unë nuk iu harroj. Pos sa i dobishëm do të jetë Taulant Balla për Ramën dhe a do të mund të mbijetojë ai në vorbullën e madhe të Ministrisë së Brendshme në mesin e skandaleve qeveritare, krimit, korrupsionit dhe betejes me drogën, kjo mbetet për tu parë. Sidomos kur ai vetë është përfolur në shumë skandale dhe afera.
A ka lidhje ky emërim me ligjin për legalizmin e kanabisit? Sa do jetë i përfshirë Balla në ekzekutivin e një ministrive më të rëndësishme në vend dhe këtë e ka treguar një nga paraardhësit e tij që nuk la ministër e deputet pa përgjuar e sot ua fashit fytyrës si tiumf./Newszone
