TIRANË– Valter Bami pritet të dalë këtë të hënë para Gjykatës së Tiranës për tu njohur me masën e sigurisë ndaj tij në lidhje me atentatin e 4 korrikut në Larushkt të Krujës ndaj Gentian Bejtjes por që mbetën të plagosur dy djemtë e tij të mitur dhe iu vra kunati.
Bami u arrestua për armëmbajtje pa leje por sipas ekspertëve në duart e tij u gjetën gjurmë baruti që shton dyshimet e përfshirjes së tij në atentat. Deri më tani Valter Bami i ka mohuar akuzat dhe ka deklaruar se gjurmët e barutit mund të kenë ngelur nga çiftja që ia ka me leje me të cilën ka bërë qitje së fundmi. Të njëjtin qëndrim ka pasur dhe avokati mbrojtjes i tij. Deri më tani Policia dhe Prokuroria nuk kanë asnjë provë konkrete që mund ta mbajë Bamin në burg ndërkohë që atentati mbetet ende i pazbardhur pavarësisht se ka pasur dhjetëra të shoqëruar në Polici.
