TIRANË– Rrahman Rraja ka dorëzuar këtë të hënë zyrtarisht mandatin e deputetit në Kuvend. Vendin e tij pritet ta zërë Arkend Balla. Rrahman Rraja dha dorëheqejn të shtunën pas skandalit të dhunës barbare ndaj fisit Maja nga djali i tij Xhelal Rraja, vëllai i tij dhe familjarë të tjerë.
Ngjarja e rëndë ku u përfshinë djali i deputetit socialist Rrahman Rraja, Rexhep Rraja, xhaxhai i tij dhe familjarë të tjerë u regjistrua dy ditë më parë në një lokal në aksin Fushë Krujë-Thumanë. Më shumë se 10 anëtarë të fisit Rraja (tashmë disa në pranga e disa në kërkoim) dhunuan në mënyrë barbare dy kushërinjtë Bilbil dhe Jashar Maja. Këta të fundit u goditën me shkopinj gome e bejsbolli pa mëshirë nga Rrajat. Pamjet bënë xhiron e rrjetit dhe shkaktuan irritimin e qytetarëve. Shkak për sherrin është bërë një gurore në pronësi të Rrajave në Borizanë. Të plagosurit shprehen se ajo gurore u ka shkatërruar shtëpitë., Ndërsa gjatë ditës së sotme ata u shprehen se nëse shteti nuk bën drejtësia atëherë ata do të jenë të detyruar të bëjnë vetëgjyqësi.
