TIRANË– Ky kampionat botëror nuk ka dyshim, që është ndryshe nga të tjerët. Kështu dhe deputetët janë përfshirë. Ervin Salianji një nga deputetët më aktiv të opozitës duket se po kaq aktiv është dhe sa i përket Botërorit por gjithmonë duke i dhënë nota sarkazme politike.
Kështu i ftuar në ‘Skaner’ Salianji u shpreh se mungesa e Italisë është e dukshme teksa shtoi se me mungesën e saj ai tashmë është një tifoz argjentinas. Nuk i kurseu ironitë as për kryeministrin Rama për të cilin tha se sa herë që ai zgjedh të veshë diçka me logon e një skuadre, qoftë Interi apo Juventus ‘fatkeqësisht’ ajo skuadër humbet.
Ervin Salianji: Pavarësisht se është në dimër, Botërori ia ka marrë vëmendjen edhe politikës. Doja që Botërorin ta fitonte Brazili. Edhe tani më duket sikur nuk është eliminuar. Por, futbolli prandaj është i bukur dhe ndodhi kjo. Tani i takon ta marri Argjentina, më shumë se Franca. Po të kishte qenë Italia në këtë Botëror, me atë stilin e vet, do kishte shkuar deri në fund. Deri sa shënoi golin Argjentina, lojën e kontrollonte Kroacia. Kishin më shumë kontroll topi, rrinin më shumë te mesfusha e Argjentinës. Ndoshta ndonjëherë është edhe fat. Goli i dytë, ashtu goli, godit këtu, godit atje. Doja të fitonte Brazili me thënë të drejtën. Ai ekip me ata lojtarë të largohen nga futbolli, këtë ka futbolli. Tani nuk dua të them po i takon më mirë ta marrë Argjentina që ka vite sesa Franca. Shikojeni me kë bëhet. Sa herë vesh bluzën, na ka nderuar ne të Interit, dhe Juves. Padiskutim që dhe ekipet e mëdha që u larguan që kanë dhe një pjesë të madhe të tifiozerive e bën më të vakët. Pavarësisht se nuk është një ndjesi e mirë pasi duam të shohim ato ndjeshjet klasike. Nëse do të gjesh dikë për punë zgjidh një gjerman, për futboll brazilianët, luajnë ata.
