TIRANË– Ish-zyrtarja e lartë e Ministrisë së Financave Alda Klosi ka kërkuar këtë të martë nga Gjykata e Tiranës lirimin nga burgu me pretendimin se është e sëmurë dhe i duhet të kujdeset për fëmijët e mitur. Ndërkohë seanca e parashikuar të zhvillohej këtë të martë është shtyrë për shkak të dorëheqjes së gjyqtares së çështjes Vjollca Spahiu. Kjo e fundit pretendon se ka konflikt interesi.
Alda Klosi u arrestua më 2 shkurt të këtij viti me urdhër të Prokurosisë së Tiranës. Ish-zyrtarja do të përballet me tre akuza të ngritutra ndaj saj: Refuzimi për deklarimin, mosdeklarimin fshehjen ose deklarimi i rremë i pasurive, interesave private të personave të zgjedhur e nëpunësve publikë ose i çdo personi tjetër që ka detyrimin ligjor për deklarim”, “Pastrim i produkteve të veprës penale ose veprimtarisë kriminale” dhe “Deklaratat e rreme përpara oficerit të policisë gjyqësore” parashikuar nga nenet 257/a, 287 e 305/b i K. Penal. Ka qenë dëshmia e pastrueses Rozeta Dobi, e cila dhe u akuzua për vjedhjen e 120 mijë eurove në shtëpinë e ish-zyrtes së lartë. Ndërkohë 400 mijë eurot e gjetura në shtëpinë e Dobit mbeten ende pa zot, pasi pastruesja ende nuk ka deklaruar se i ka marrë ose në jo në shtëpinë e Klosit.
