DURRËS– Një 38-vjeçar i identifikuar me inicialet G.B është vënë këtë të mërkurë në prangat e Policisë së Durrësit pasi ishte shpallur në kërkim për veprën penale “Veprime të turpshme“. Sipas Policisë 38-vjeçari akuzohet se ka kryer veprime të turpshme, ndaj vajzës së bashkëjetueses së tij. Për këtë akuzë Gjykata e Durrësit i ka caktuar masën e sigurisë “Arrest me burg”.
NJOFTIMI I POLICISË:
pecialistët për Hetimin e Krimeve të Komisariatit të Policisë Durrës ndaluan shtetasin e shpallur në kërkim G. B., 38 vjeç, banues në Sektor Rinia, Durrës, pasi Gjykata e Shkallës së Parë e Juridiksionit të Përgjithshëm Durrës i ka caktuar masën e sigurisë “Arrest në burg” , për veprën penale “Vepra të turpshme”. 38-vjeçari akuzohet se ka kryer veprime të turpshme, ndaj vajzës së bashkëjetueses së tij.
