DIBËR–Një 26-vjeçar i identifikuar me inicialet F.D është vënë në prangat e Policisë së Dibrës këtë të mërkurë pasi duke drejtuar mjetin tip “Jeep”, në Burrel humbi kontrollin e tij dhe u përfshi në një aksident të rëndë ku u përplas me një mjet tjetër duke lënë të plagosur katër persona. Të plagosurit janë jashtë rrezikut për jetën. Ndërsa një tjetër person është vënë nën hetim pasi duke drejtuar motomjetin, ka aksidentuar një këmbësore, e cila ndodhet jashtë rrezikut për jetën.
NJOFTIMI I POLICISË:
Një 26-vjeçar me iniciale F. D., banues në Burrel, është arrestuar pasi duke drejtuar automjetin tip “Jeep”, ka humbur kontrollin dhe për pasojë automjeti që ai drejtonte është përplasur me një automjet tjetër. Nga përplasja e automjeteve kanë mbetur të lënduar lehtë 4 pasagjerë.
Po nga këto specialistë u referuan materialet në Prokurori dhe filloi procedimi në gjendje të lirë për shtetasin A. K., banues në Burrel, pasi duke drejtuar motomjetin, ka aksidentuar një këmbësore, e cila ndodhet jashtë rrezikut për jetën.
Ndërsa Policisa Bulqizë referuan materialet në Prokurori, për veprën penale “Shkatërrimi i pronës me zjarr”, pasi në Krastë, Bulqizë, është djegur automjeti tip “Benz”, në pronësi të shtetasit D. M., si dhe është djegur pjesërisht automjeti tip “Land Rover”, që ishte i parkuar pranë automjetit tip “Benz”, në pronësi të një shtetasi tjetër. Sipas policisë vijon puna për zbardhjen dhe dokumentimin e kësaj ngjarjeje, identifikimin dhe kapjen e autorëve. Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
