Në orën 16:00 nisi mbledhja e Këshillit të Mandateve për shqyrtimin e kërkesës së SPAK për arrestimin e Arben Ahmetajt.
Gazetari Ergys Gjençaj bën me dije për BalkanWeb se mazhoranca ka propozuar që Këshilli të mblidhet të premten në orën 12:00, për të diskutuar për raportin e SPAK. Po ashtu është propozuar nga mazhoranca që të zhvillohet seancë e posaçme ditën e hënë në orën 17:00.
Por, propozimi është kundërshtuar nga opozita, të cilët deklarojnë se nuk i duhet dhënë kohë më tepër, pasi ‘kjo ndihmon Ahmetajn që të fshihet’.Sakaq, mësohet se PS është shprehur dakord për kërkesën e SPAK për autorizimin për arrestimin e Ahmetajt.
