TIRANË– Kërkesa e SPAK për arrestimin e ish-ministrit Arben Ahmetaj po dominon debatet në Kuvend. Gjatë fjalës së tij kreu i Partisë Demokratike Sali Berisha bëri deklaratën e fortë ku u shpreh se ka qenë maxhoranca ajo që e ka ndihmuar ish-numrin dy të qeverisë të arratisej nga drejtësia. Për këtë “gishtin e fajtorit” Berisha e drejtiu tek deputeti socialist Damian Gjiknuri, dhe ky i fundit rezulton në dosjen e SPAK si i përfshirë në lidhje me pronarët e inceneratorëve.
Sali Berisha: Mblidhemi në këtë seancë pasi ka ndodhur, akti më i pashmebullt, figura e dytë e narkoqeverisë është arratisur dhe ky raporti juaj me drejtësinë, ky është kati më i turpshëm, pasi ka vetëm vjedhur, pasi ka mbush baulet duke vjedhur më të varfrit e Shqipërisë, ja mbath. Kryen aktin më të turpshëm të një hajduti ordiner, a e dini se çdo të thotë kjo për një zyrtar, ministër, deputet. Nuk dua tu them se jeni Ahmetër, se nuk është e lehtë të hedhësh faj kolektiv, por mos harroni se faji kolektiv ekziston në doktrinë, realitet. Në vend se të ndalemi e të diskutojmë për këtë ngjarje që tejkalon çdo masë, e servirët se i njeriu i suksesit, e informoni që të ikë. Katër orë para se t’i vinte parlamentit njoftimit, e përcolle ti Damian atje apo jo. Më thuaj pak këtu. Po të pyes? Ca është ky reagim mor. I the ti apo jo, e njoftove që të ikë. Në vend se të dilni këtu kokulur, të kërkoni të falur shqiptarëve, a keni ju moral, cipë shtetari, zyrtari? Mabroi koha, po s’mbarojnë kurrë krimet e kësaj qeverie.
