TIRANË– Kërkesa e SPAK për arrestimin e ish-zëvendëskryeministrit Arben Ahmetaj ka sjellë debate të forta në Kuvend mes opozitës dhe maxhorancës. Deputeti demokrat Dashnor Sula ka “shpërthyer” ndaj socialistëve duke hedhur akuza ndaj qeverisë, deputetëve dhe kryebashkiakëve të përfshirë në skandale.
Dashnor Sula: Këtu është për të qarë e për të qeshur dhe skam ndërmend të flas për procedurë. As kam ndërmend të diskutoj dhe të flas për procedurë. Keni vjedh ju apo kemi vjedh ne? I keni ju në burg apo i kemi ne? Ia keni dhënë ju në gojë popullit apo ne? Ça ka ngelur tani? Vetëm të heqim pantallonat këtu. Të na vijë turp. Përsa i përket raportit, kur doni ju si maxhorancë, për të futur një projektligj, e përgatisni raportin dhe gjithçka dhe e sillni. Keni disa raste. Në rastin e Tahirit erdhët brenda 24 orësh dhe e votuan heqjen e imunitetit. Keni rastin sot. Keni rastin e zonjës Xhaçka dhe nuk bëni raport. Gjeni artifica për t’i dhënë mundësi personave për të fshehur gjurmët dhe për të fshehur ato që duhet të fshehin. Ju nuk e bëni se ju dhimbsen procedurat.
