TIRANË– Akuzave të opozitës për përfshirjen e kryeministrit në skandalin e inceneratorëve për të cilin SPAK kërkon arrestimin e ish-ministrit Arben Ahmetaj u është përgjigjur ministri i Drejtësisë Ulsi Manja. Ky i fundit akuzoi opozitën se me retorikën kundër drejtësisë po i sdhërben krimit.
Ulsi Manja: Rri pa merak Flamur se edhe unë për procedurë e mora fjalën. Vazhdojmë me rendin e ditës sepse heshtja jonë sot ka të bëjë me respektin për drejtësinë, por jo për respektin e kësaj pjese sepse kur të mbërrijë puna për të na bërë moral për ndershmërinë, politikën, e drejtësinë një pjesë e juaja këtij është fundi i parlamentarizmit. Heshtja jonë ka të bëjë vetëm me patë për të cilën në korrik të 2016 u pajtuam për të bërë reformën në drejtësi. Kjo që i bëni ju është shërbimi më i mirë që ju i bëheni krimit, se këto porosi keni marrë nga krimi dhe mesazhin e krimit e sillni këtu. Retorika politike e këtij krahut të djathtë i shërben krimit. Nuk e ndihmon drejtësinë të bëjë punë e vet. Mos e merrni heshtjen tonë për dobësim, heshtja jonë është respekt për drejtësinë dhe ligjin.
