BRITANI– Dalin pamjet e para nga operacioni i shpëtimit në kanalin anglez, ku një gomone me emigrantë u fundos në orët e para të mëngjesit.
Pamjet e para nga vendi i ngjarjes, të siguruara enga Sky News, tregojnë një numër emigrantësh që shpëtohen nga një varkë fryrëse.
Ata kanë veshur jelek shpëtimi dhe po ndihmohen në një varkë shpëtimi Dungeness. Shërbimi i ambulancës tha se kishte dërguar burime në Dover për të mbështetur përpjekjet e shpëtimit, por nuk do të jepte përditësime të mëtejshme.
Ndërkohë, Policia e Kent tha se ishte në Dover për të “kryer hetime dhe për të mbështetur këtë incident të vazhdueshëm”. Një anëtar i ekipit të shpëtimit ka konfirmuar se të paktën tre persona kanë vdekur nga mbytja e gomones. 43 persona të tjerë janë shpëtuar të gjallë dhe janë dërguar në MB.
Disa nga të shpëtuarit u nxorën nga varka dhe të tjerët nga uji. Operacioni i kërkimit vazhdon. Mediat britanike i kanë përshkruar temperaturat në të gjithë vendin si “nën zero” mbrëmë.
