TIRANË– Vijon me debate të forta seanca e sotme plenare në Kuvend. Kreu i Partisë Demokratike Sali Berisha ka debatuar me ministrin e Drejtësisë Ulsi Manja në lidhje me aferën e inceneratorëve ku sipas Berishës është dhe bashkëshorti i ministres së Shtetit për Marrëdhëniet me Parlamentin Elisa Spiropali, Këtu u përfshi në debat ministri Manja, i cili vijoi disa replika me Berishën.
Debati:
Sali Berisha: Zoto paska qenë këshilltar i Salarjanit, bashkëshortit të Elisës. Në çdo sirtar që hapni ju del Zoto dhe Mërtiri. Edhe ty Ulsi do të dalë diçka.
Ulsi Manja: Mua më ke lënë të zgjedhjet hala, ma ngri çik stekën.
Sali Berisha: Atje je ti te krimi elektoral, atje do të dënohesh ti.
Ulsi Manja: Ma ngri çik stekën ma ngri.
Sali Berisha: Rama ia mbathi, ai tjetri u arratis. Me mungesën e tij ai (Rama) nxin. Afera shkon në 720 milionë euro. Prokuroria nuk guxon të konfiskojë veprat e krimit.
Lindita Nikolla: Mbaroi koha.
Sali Berisha: Koha mbaroi, por vjedhjet tuaja nuk mbarojnë kurrë.
