ITALI- Një ngjarje e rëndë ka ndodhur ditën e sotme në Itali, ku një 18-vjecar ka humbur jetën pasi u rrëzua nga çatia e një fabrike në zonën industriale të Porto Sant’Elpidio, në provincën e Fermos.
Një pjesë e çatisë ishte shembur dhe si pasojë i riu u rrëzua dhe ra nga 10 metra. Lëndimet e marra në trupin e tij ishin të shumta dhe ai nuk mundi ti mbijetojë dot dhe ndërroi jetë në vend. Në vendngjarje, përveç punonjësve shëndetësorë të Kryqit të Gjelbër të Porto Sant’Elpidio, ishte dhe nëna e djalit. Sipas versionit të parë të ngjarjes, i riu kishte shkuar për të takuar dajën e tij, kompania e të cilit po kryen punimet e saldimit në godinën ku ndodhi aksidenti.
