KOSOVË– Deputeti i Partisë Demokratike të Kosovës Mërgim Lushtaku është marrë këtë të premte në pyetje nga Prokuroria në lidhje me incidentin e rëndë të regjistruar një ditë më parë në Kuvendin e Kosovës ku ai u përfshi në një përpleshje fizike me zëvendëskryeministrin Besnik Bislimin dhe kryeministrin Albin Kurti. Në sherrin masiv u përfshinë dhe deputetë të tjertë të opozitës. Për mediat foli avokati i tij, i cili deklaroi se Lushtaku u pyet nga organi i akuzës në cilësi të dyshuarit për sulm, por edhe të viktimës. Ai shtoi se zëvendëskryeministri Bislimi ka sulmuar i pari deputetin Lushtaku dhe se ky i fundit të gjitha veprimet e tij i ka bërë në vetëmbrojtje
Avokati: Zotëri Lushtaku ishte në vendin e tij të punës për dallim nga zotëri Bislimi dhe anëtarë të tjerë të punës. Ai u sulmua në vendin e tij të punës. Deputetët kanë imunitet nga ndjekja penale, paditë civile për vendimet dhe veprimet e tyre në kuadër të fushëveprimit të tyre si deputet. Në rrethanat e rastit konkret veprimi i tij ishte si një kundërpërgjigje ndaj skandalit që ka ndodhur dhe që nuk mori përgjigje zotëri Lushataku. Në tensionin që ata reflektonin, veçanërisht pas provokimit të situatës nga Bislimi, që e hoqi fotografinë e vendosur nga deputetët. Ky është rasti i parë i një anëtari të qeverie që ndërhyn në sallën e Kuvendit. Në refleksion të tensionit që transmetonte është vlerësuar e nevojshme një veprim, që ka imunitet, zotëri Lushtaku, një spërkatje me ujë. Ky nuk është një veprim që cenon integritetin fizik të anëtarëve të Qeverisë, por fatkeqësisht nga ana tjetër nuk ishte përgjigja e njëjtë dhe jo reciproke. Pasi ai u sulmua i pari dhe ne të gjitha këto elemente i kemi prezantuar para prokurores.
