FIER– Katër persona, mes tyre dy të mitur kanë mbetur të plagosur këtë të premte pas një aksidenti të trefishtë të regjsitruar në aksin rrugor Fier-Seman. Raportohet se të për shkak të përplasjes së fortë një nga mjetet, konkretisht Volkswagen, ka përfunduar në kanal, Policia ndodhet në vendin e ngjarjes dhe po punon për zbardhjen e shkaqeve të ngjarjes. Ndërkohë të plagosurit janë dërguar në spitalin e Fierit dhe ndodhen nën kujdesin e bluzave të bardha.
NJOFTIMI I POLICISË:
Fier/Informacion paraprak. Rreth orës 18:20, në vendin e quajtur “Fermë Çlirim”, automjeti tip “Benz” me drejtues shtetasin E. N., është përplasur me automjetin tip “Opel” me drejtues shtetasin F. D. dhe me automjetin tip “Volkswagen” me drejtues shtetasin K. R. Si pasojë e përplasjes janë dëmtuar lehtë pasagjerët në automjetin tip “Volkswagen”, shtetaset V. R., A. R., dhe dy fëmijë të mitur 2 vjeç dhe 10 vjeç , të cilët kanë shkuar në spital dhe po kryejnë ekzaminimet mjekësore. Grupi hetimor po punon për përcaktimin e shkaqeve të aksidentit.
