ITALI– Haxhi Çollaku, 55 vjeç është ekzekutuar këtë të premte nga Policia italiane pasi nuk iu bind urdhrit të tyre për të ndaluar si dhe përplasi me furgon një efektive. Ngjarja e rëndë ka ndodhur në lagjen Sacra Famiglia në Padova , ku jeton ish-gruaja e shqiptarit. Sipas mediave italiane shqiptari u qëllua me katër plumba nga një karabinier.
Ndërkohë efektivja qe u përplas nga ai ndodhet në spital nën kujdesin e mjekëve në gjendje kritike për jetën. Hetimet janë të koordinuara nga Prokuroria e Padovës, ndërsa hetuesi Marco Bruseganka shkuar në vendngjarje dhe po flet me dëshmitarët e ngjarjes, për t’u informuar me faktet. Deri më tani mësohet vetëm se ish-bashkëshortja e tij ishte e pajisur me urdhër mbrojtjeje pasi pretendonte se përndiqej nga Çollaku.
