ITALI– Haxhi Çollaku është shqiptari, i cili u vra një ditë më parë nga Policia italiane. Raportohet se 55-vjeçari jetonte prej 20 vitesh në shtetin italian ku kishte ndërtuar familjen dhe punonte. Ai u ekzekutua me katër plumba nga karabinerët pas një përpjekeje të dështruar për tu arratisur. Ngjarja e rëndë ndodhi poshtë shtëpisë së ish-bashkëshortes së tij, e cila pas divorcit ishte e pajisur me urdhër mbrorjtje pasi Çollaku e përndiqte vazhdimisht, ashtu si dhe një ditë më parë ku gjithçka përfundoi tragjikisht. Haxhi Çollaku para se të emigronte drejt Italisë punonte si mësues në Shqipëri.
Si ndodhi ngjarja
Ditën e djeshme Haxhi Çollaku kishte shkuar sërish tek banesa ku banonte ish-bashkëshortja dhe vajza e tyre e mitur. Kjo e fundit kishte telefonuar policinë për praninë babait të saj poshtë banesës, prandaj një patrullë kishte shkuar në ndihmë. Në momentin e parë kur karabinierët kanë bërë para kanë menduar se do të bashkëpunonte. Por jo, në momentin që një karabiniere i është afruar ai ka ndezur furgonin dhe e ka shtypur. Në këtë moment ai u ekzekutua me katër plumba.
