TIRANË– Nga kjo e shtunë Taulant Balla është zyrtarisht ministri i ri i Bredshëm. Ai u betua në një ceremoni të posaçme para Presidentit Bajram Begaj, ku të pranishëm ishin dhe krerë të lartë të shtetit si kryeparlamentarja Lindita Nikolla, nënkryetarja e Kuvendit Ermonela Felaj, kreu i Komisionit të Sigurisë Nasip Naço dhe figura të tjera të rëndësishme. Balla u betua me dorën mbi Kushtetutë se do të respektojë atë dhe do punojë në trë mirë të vendit.
Në këtë detyrë ai zë vendin e ish-ministrit Bledi Çuçi të shkarkuar nga kryeministri Edi Rama më 8 korrik. Taulant Balla i merr “frerët” e ministrisë së Brendshme në një moment kritik për këtë dikaster pas skandalit që përfshiu Policinë e Shtetit në lidhje me dhunën barbare të fisit Rraja në Fushë Krujë dhe heshtjen e Komisariatit të Krujës.
Kush wshtw ministri i ri i Bredshwm
Taulant Balla e nisi karrierën politike ne vitin 2004, ku shërbeu si këshilltar i kryeministrit të asaj kohe Fatos Nano. Ai u zgjodh për herë të parë deputet i Librazhdit në vitin 2005, në moshën 28-vjeçare dhe prej asaj kohe nuk ka munguar në Kuvendin e Shqipërisë. Pas zgjedhjeve të vitit 2017, Taulant Balla u emërua kryetar i grupit parlamentar socialist.
Ai është një nga zërat më të fortë brenda maxhorancës dhe një nga “besnikët” e kryeministrit Edi Rama. Në këtë moment kritik dhe për qeverinë pas aferës së inceneratorëve Taulant Ballën e pret një sfidë e madhe në ministrinë që ka qenë si “porta e ferrit” për drejtuesit, ca të shkarkuar e të tjerë të dorëhequr.
Njëkohësisht, ai u emërua Kryetar i Delegacionit të Parlamentit të Shqipërisë në Parlamentin Europian dhe Zëvendës Kryetar i Këshillit Kombëtar të Integrimit Europian. Pas dorëheqjes së Gramoz Ruçit, Balla u zgjodh Sekretar i Përgjithshëm i Partise Socialiste post të cilin e mbajti deri pas zgjedhjeve të vitit 2021, ku u zëvendësua nga Damian Gjiknuri.
Balla është deputet i Qarkut te Elbasanit dhe drejtues politik për Partine Socialiste në Qarkun Fier. Më herët ka drejtuar qarkun e Elbasanit ku ka marrë edhe rezultatin më të mirë elektoral në zgjedhjet e vitit 2017 dhe 2021 si për socialistët por edhe vetë si deputet rezultoi më i votuari në rang kombëtar.
