TIRANË– Dritan Shano thotë se Partitë Demokratike janë atje ku kanë dashur të zotët e tyre, ato nuk janë pronë publike, por janë pronë private. Duke folur në emisionin “Stay Tuned” me moderatoren Valbona Mhilli në MCN Tv, ai deklaroi që nga viti 1992 e mbrapa, Partia Demokratike është dominuar dhe zotëruar nga Sali Berisha.
Ndërsa për pjesën e vulës thotë se është zotëruar nga Lulzim Basha me të njëjtin model politik të Sali Berisha, duke shtuar se Basha ikën dhe vjen.
“Nëse ato sot janë vendosur në një gjendje të mjerë, kjo nuk është për shkak se shqiptarët nuk i kanë mbështetur në gjithë këto vite, por për shkak se produkti i tyre politik dhe dobia e tyre për shqiptarët ka ardhur duke u zvogëluar dhe ka shkuar në zero që nga 2021. Nga 2021 e mbrapa ky formacion politik ka një etiketë të skaduar. Ka dështuar në ofrimin te shqiptarët të asaj që premtoi. Unë jam një nga themeluesit e asaj force politike dhe ne premtuam pronën private. Prona private nuk është regjistruar, nuk është e sigurtë etj., me radhë. Kujt mund t’ia kërkojë fajin kjo forcë politike e cila erdhi për të qenë e ndryshme nga Partia e Punës e cila e kishte kolektivizuar gjithë pronën private. Prona private është themeli i një ekonomie tregu dhe demokracie. Në qoftë se ti nuk vendos këtë gur drejt në pozicion të shëndoshë, gjithçka tjetër është e shtrembër dhe kjo është bërë me qëllim nga PD në 33 vite. Për këtë arsye mendoj se qytetarët shqiptarë e shohin si mall të skaduar. Ajo që ndodhi kësaj here, është sinjal i qartë që tregon se ne nuk duam të qeverisemi prej jush.”
I pyetur se kush do të votojë për zgjedhjen e kreut të PD-së së vulës, Shano tha se nuk di të thotë pasi ka një kaos të madh i cili lidhet me paaftësinë totale të njerëzve që marrin rrogën në parlament. Sipas tij, këta njerëz janë atje se e kanë menduar politikën si një vend ku mund të marrin rrogë.
“Edhe nëse ky grumbull njerëzish që janë në parlament, shqiptarëve nuk u lëviz asgjë. Nëse do votohej në mazhoritar, i vetmi deputet që do fitonte do ishte Dash Sula, gjithë të tjerët do avullonin. Axhenda Berisha-Meta-Basha, duan të jenë një këmbë e tavolinës në politikën shqiptare, të jenë këmba më e shkurtër, ajo që bën zhurmë. Që të detyroj Ramën të nxjerrë shukat e letrës dhe ti vendosë te këmba që të heqë zhurmën kur s’do ti dëgjoj. Ndaj them se 14 maji ishte sinjal shumë i fortë. Nga të katërt bajlozët e politikës, i vetmi që ka filluar ta lexoj është Rama dhe thotë se shikoni çfarë ndodhi në Shkodër, ata ia bën të tyreve, imagjinoni çfarë do na bëjnë ne. Këta tre janë Lalzotësa, se janë të tre që jetojnë në Lalëz. Shqiptarët kanë nevojë për një opozitë tjetër, jo ajo që quhet dhe merr rrogën si opozitë.”
