Drejtori i Emergjencave Civile Aurel Çuko, I FTUAR NË EMISIONIN “Stay Tuned”, në MCN TV, drejtuar nga moderatore Valbona Mhilli, ka rrëfyer disa të pathëna për jetën e tij dhe ka shpjeguar më shumë lidhur me detyrën për të cilën ndjehet shumë i vlerësuar.
“Mbuloj drejtorinë e përgjithshme të emergjencave civile në bashki dhe ne si ekip jemi gjithmonë në gatishmëri si në verë me temperatura të larta po ashtu dhe në dimër kur ka reshje të mëdha shiu. Situata është e ngjashme me tani, ne presim zjarre për shkak të temperaturave të larta që janë jo vetëm në Tiranë, por në Ballkan dhe gjithë Evropën. Ne jemi në gatishmëri, deri tani situata është ok, pasi përtej organizimit të mirë që kemi, kemi bërë dhe investime sa i përket hotspoteve që kemi në Tiranë, kryesisht Ndroq, Farkë, Vaqar dhe Pezë, ku kemi hapur korridoret e zjarrit që të kemi mundësi që ekipi jonë i zjarrfikësve të shkojë sa më shpejtë dhe lehtë. Ne kemi një ekip fantastik zjarrfikës. E vetmja problematikë hotsposti është pjesa e Qafës së Priskës zona e Dajtit ku nuk ka mundësi për korridore edhe pse deri tani e kemi menaxhuar”.- tha Çuko.
I pyetur se si u ndjetë kur ju erdhi propozimi, Çuko u tha se u ndje shumë mirë sepse është një vlerësim që u ju bë si nga kryetari i bashkisë po ashtu dhe gjithë stafi.
